وطنسیزلیک ده رغایب بایرامی

اینصافعلی هیدایت

insafeli
من بیر آز بوندان قاباخ آنامین جیب تلفونونا زنگ ایله میشدیم. آنام گیل آذربایجاندا “طبیعت گونو” آدلانان گوندن اعتیبارن، دوغما “کلان” کندیمیزه گئدیبلر. کلان کند 10-15 کیلومتر کلیبر شهریندن آراز چاینا گئدن ده و هوراند یولوندا اولور. کلان، آذربایجان جننه تینین بیر کیچیک پارچاسی دیر. اوردا دا هاوا سویوخ، چیسگین و دومانلی دئر. تورنتویا تای. تورونتودا دا هاوا چوخ سویوخ دور. ایله سویوخ دور کی ائودن اشیگه بیله چیخماخ اولمور.

آتام خبر وئردی؛ بوگون آذربایجان دا “رغاییب” یا “رقئییب بایرامی” دیر. رقئییب بیر بایرام دیر. قدیم زامانلاردا کی بو گونکو قدر ایمکانلار یوخوموش، بیر شیرین شئی حاضیرلایب و دیری نسله زحمت چکیب و اونلاری بویا باشا یئتیرین نسلین امه گینه حورمتی گوسترمک اوچون قبیر اوستونه گئدرمیشلر. بو شیرین بیر شئی “حالوا” خوصوصیله “اوماج” یا “اوون” حالواسی اولار میش. البتته بعضی لری دوگو (دویو) حالواسی دا بیشیرر دیلر. منیم نه نه م هر ایکی حالوانی یاخجی باشارار دیر.

بوندان دولایی بوگنون آدین “رقئییب بایرامی” قویموشلار. نیه کی هئچ اولمازسا، ایلده بیر دفه بو دونیادان الی کسیلن لرین توپراقلارینا باش ووروب و اولنلرین روحونون شادلئغینا دعا ادیرمیشلر. هله، ایندی ده رغاییب بایرامی یئرینده دیر.

آتام قبریستاندا، آناسینین قبرین تاپمایئب. بویوک نه نه مین قبرین یا زامان سوکوب داغیدیب یادا قار یاغیش یویوب، آپارئب. آتامین اورگی دولوب و بیر قارین آمما شیرین شیرین آغلایئب. اوزون بوشالدیب. راحاتلاشیب.

آمما من…

وطن هاردا … من هاردا … بابالاریم هاردا … من هاردا … بویوک آنالاریم هاردا … من هاردا …

فوربت دئدیگین بوندان عیبارت دیر …
کیمسیزلیک! … وطن سیزلیک …!

قوربت ده، توپراقدا بئله گوکون یوخ دور. زوغ آتمامئسان! شیرین شیرین آغلاماغا بیر توپراغین بئله یوخ دور. اولنلری ننین هئچ بیرینین قبری اوسته گئده بیلمیرسن.

وطنسیزلیک … غوربت … بیله اولور. گوزمه ین، یاشامایان بیلمز.
قوربت ده، آغلاماق ایسته سن بئله، آغلامایانمازسان. اورگین دولو قالار.
شیرین آغلاماغ اوچون بئله، وطن لازیم دیر.
وطن اورا دیر کی اونون توپراغین دان دوغولموسان!
آتا، آنالارین او توپراقلاردا دفن اولوبلار!
او اولنلرین ده گوروشونه گئدیب و بایرام اده بیلیرسن!
.طن ده، هئش کیمله گئل گئدین اولمازسا بئله، تک دئییلسن!
هامی سنه تای دیر!
سن رنگ ده دیر!
غریبه ده ییلسن!
اونلاردان سان!
اونلارین بیری. عاینی اوزله ری سن!
هنده وئرینده کی آداملارا بنزیزسن!
اونلارلا فرقین یوخ دور.
آمما تورنتو گوزل ده اولورسا دا
منیم بابالاریمی …
آنالاریمی…
باغرئنا باسان توپراقلار دئییل
منیم گئچمیشیمدن بیر نشان ساخلامایئب دیر!
منه اونلارین زیارتین “بایرام” ادن توپراق دئییل.
من بوردا هانکی توپراغا ائوز قویوب “مهدی بابا!”، “کابی بابا!”، “ترلان دایی!”، “سلطنت نه نه!”، “زینی شرف نه نه!”، و … دئییب، سسله نیم؟
بیر توپراغی قوجاخلایئب، بیر ده ده می سسله رسم …
هامی دیه جاخ بس
دئلی اولموشام.
منه
دلی گوزیله باخاجاقلار
و دییه جکلر:
“بو نیه توپراق اوسته آغلئر؟ یازیخ، روانی اولوب ها! زنگ ادین پولیس گلسین، بو آدام آپارسین! بلکه ائوزونه و هنده وئرینده کی لره زیان وورار.” دییه جکلر!
هله بو قوربت دردینین یارئسی دیر!
قالن یاریئسی بو دور کی …
بو غوربت ده قبیر بئله آز دیر.
چوخ آز آدام دا ایمکان وار اولوسون قویلاسین …
اونا بیر قبیر تیکسین.
یوزده 60-70 ی، اولنلرینه، اود ووروب، یاندیریرلار.
او بویوکلوک ده آدامدان …
بیر آوئج کول قالئر. وطن سیزلیک ده …
بعضی لری او کولو ساخلیر
بعضی لری ایسه
او کولو سویا وئریر …
یادا داغدا، داشدا یئله وئریر.
نیه؟
هامی بورا کوچکه دیرلر!
بورا هئش کیمین وطنی دئییل…
بوردا هامی وطن سیز
هامی کوکسوز
هامی زوغسوز دور
هامی ایستیر بورانی اوزونه وطن یاپسین
آمما دورد بش نسیلدن سونرا دا
بوردا وطنسیز دیر
و اولوسون یاندیریر
یئله وئریر
یئلین کوکو، زوغو یوخ دور …
بیز یئل اولوب، وطن سیز اولموشوخ!

بیر غریب دوستومون اوغلو جاوان جاوان درد ایچینده جان وئر دی.
چوخ نیسگیللی اولوم اولدو. کیشی بیر گونده قوجال دی…
وطنسیزلیک ده، کامئن آلمامئش اوغلون یاندیردیلار.
وطنسیزلیک ده …
کولون بئله بیر یئرده ساخلایامادیلار …
بیر سویا بئله وئرمه دیلر …
بیر داغدا
بیرداشدا
یئله …
یئره …
سئپمه دیلر. بورادا
یئر قه حطلیگی یوخ دور کی
دونیانین ایکینجی بویوک مملکتی
بیر آووج جاوان کولون
اوچ یئره بولدولر:
بیر حیسسه سی گیلانا …
بیر پارچاسی، فیلیپینه …
بیر آووجودا کانادا دا یئله وئریل دی.

هه… رعایئی بایرامی دیر.
بوگون …
شرف خانیم دان خاهیش ایله دیم
بو رغایئب بایرامین دا حالوا بیشیرسین.
بورداکی وطن عطیرین داشییانلاری آخشاما دعوت اده ریخ. وطن دن
اوزقدان اوزاقا بایراملاشاریخ
اولوله ریمیزله!
رغیئب بایرامئیز، وطن ده موبارک اولسون!!

Share